Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Այսօր կառավարության նիստում օրակարգին անցնելուց առաջ վարչապետ Կարեն Կարապետյանն անդրադարձավ հանձնարարականներին: Դրանից մեկը վերաբերում էր միջպետական և հանրապետական նշանակության ճանապարհների անվտանգության հարցին:Մարզեր այցելությունների ժամանակ արձանագրվել է միջպետական, միջհամայնքային ճանապարհների ոչ բարվոք վիճակը:
Վարչապետի խոսքով կապի և տրանսպորտի նախարարը զեկուցել է, որ որոշ ճանապարհներին առկա են անվտանգությանը խոչընդտող կառույցներ և անօրինական ճանապարհային նշաններ: Վարչապետը տրանսպորտի նախարարին հանձնարարեց ուսումնասիրել բոլոր ճանապարհների փաստացի վիճակը և կառավարություն ներկայացնել ճանապարհների վերականգնման վերաբերյալ առաջարկություն:
Մարզպետներին հանձնարարվեց ներկայացնել առաջարկություն ճանապարհների վերականգնման առաջնահերթությունների մասին տեղեկանք, իսկ տարածքային կառավարման նախարարին հանձնարարվեց ճանապարհների առկա շինությունների օրինականությունը ստուգելու վերաբերյալ: Ոստիկանության պետին հանձնարարվեց ստուգել և մեկ ամսյա ժամկետում ուսումնասիրել միջպետական և հանրապետական ճանապարհներին տեղադրված նշաների օրինականությունը և հնարավոր բոլոր խնդիրները վերացնելու վերաբերյալ ներկայացնել առաջարկություն: