Եվրախորհրդարանը Ուկրաինայի վերաբերյալ բանաձեւ է ընդունել

Եվրախորհրդարանը լիագումար նիստում բանաձեւ է ընդունել, որում իր աջակցությունն է հայտնում Ուկրաինայի իշխանություններին եւ դատապարտում Ռուսաստանի գործողությունները. տեղեկացնում է Интерфакс-ը:

Ըստ փաստաթղթի` Եվրախորհրդարանը հավանություն է տալիս Ուկրաինայի նախագահ Պյոտր Պորոշենկոյի խաղաղ պլանին, նաեւ ողջունում ասոցացման համաձայնագրի ստորագրումը: Բանաձեւում նաեւ նշվում է, որ Ռուսաստանը «մասնակցում է ռազմական գործողություններին եւ  զենքի մատակարարումներին»: Այդ կապակցությամբ եվրապատգամավորները կոչ են անում Ռուսաստանին` կատարել միջազգային պարտավորությունները, օժանդակել խաղաղ բանակցություններին, օգտագործել ազդեցությունը բռնության դադարեցման համար, ազատ արձակել ուկրաինացի օդաչու Նադեժդա Սավչենկոյին:

Վերջում Եվրախորհրդարանը հավանություն է տվել ՌԴ-ի նկատմամբ պատժամիջոցների ընդլայնմանը: