Ինչու է Արցախի ՊԲ-ն որոշել սահմանային իրավիճակի վերաբերյալ հաղորդագրությունները շաբաթը մեկ անգամ տարածել

Արդեն 3 օր է` Արցախի ՊԲ-ն առաջնագծում տիրող իրավիճակի մասին հաղորդագրություն չի տարածում: Այսուհետ շաբաթը մեկ անգամ է սահմանին տիրվող իրավիճակի մասին հաղորդագրություն տարածվելու:

Արցախի ՊԲ տեղեկատվության և հասարակայնության հետ կապերի բաժնի պետ Սենոր Հասրաթյանը Yerkir.am-ի հետ զրույցում նշեց, որ նման որոշում կայացվել է, քանի որ առաջնագծում իրավիճակի փոփոխություն գրեթե չի լինում:

«Պայմանավորված է նրանով, որ իրավիճակի փոփոխություն գրեթե տեղի չի ունենում, ու ամեն օր գրեթե նույն հաղորդագրությունն ենք տարածում: Ավելի նպատակահարմար է, որ շաբաթը մեկ օր տարածվի հաղորդագրությունը»,- ասաց Հասրաթյանը, ապա հավելեց. «Անհրաժեշտության դեպքում, եթե արտակարգ դեպքեր լինեն, ՊԲ-ն անպայման հաղորդագրություն կտարածի»: