Այսօր սրտով հայ ժողովրդի հետ ենք. Զախարովան հայկական եկեղեցի է գնացել

ՌԴ ԱԳՆ պաշտոնական ներկայացուցիչ Մարիա Զախարովան իր ֆեյսբուքյան էջում անդրադարձել է Հայոց ցեղասպանության 102-րդ տարելիցին:

«Ապրիլի 24-ը Հայոց ցեղասպանության զոհերի հիշատակի օրն է: Ոմանք չեն ընդունում «ցեղասպանություն» եզրույթը, ոմանք կասկածի տակ են առնում զոհերի թիվն ու վիճաբանում «եղել է, չի եղել» հարցի շուրջ: ՌԴ Պետդուման դեռևս 1995-ին որոշում է ընդունել «1915-1922թթ. հայ ժողովրդի պատմական հայրենիքում՝ Արևմտյան Հայաստանում, նրանց դեմ իրագործված ցեղասպանության դատապարտման մասին»: Նյու Յորքում ՄԱԿ-ի շենքի մոտ կա հայկական եկեղեցի: Այցելեցի: Անկախ նրանից, թե որտեղ ենք գտնվում, այսօր սրտով հայ ժողովրդի հետ ենք»,- գրել է Զախարովան` հրապարակելով մի քանի լուսանկար: