Փոխարժեքներ
27 10 2024
|
||
---|---|---|
USD | ⚊ | $ 387.25 |
EUR | ⚊ | € 419.2 |
RUB | ⚊ | ₽ 4.01 |
GBP | ⚊ | £ 502.92 |
GEL | ⚊ | ₾ 141.79 |
ՀՀԿ կազմակերպչական հարցերով հանձնաժողովի նախագահ Ռուբեն Թադևոսյանը Yerkir.am-ի հետ զրույցում ասաց, որ կուսակցությունում չեն քննարկվել Արտակ Սարգսյանին պատկանող «ՍԱՍ» սուպերմարկետների ցանցի աշխատակիցների նախընտրական ժողովի ձայնագրությանը վերաբերող հարցեր:
Նա նշեց, որ անձամբ չի լսել այդ ձայնագրությունը ժամանակ չունենալու պատճառով, բայց խոստացավ այսօր ևեթ լսել այն, ապա, շարունակելով խոսքը, կրկին ասաց, որ կուսակցությունում չեն քննարկել ձայնագրությանը վերաբերող հարցը:
Հիշեցնենք, որ օրեր առաջ համացանցում տարածվել էր «ՍԱՍ» գրուպում տեղի ունեցած նախընտրական ժողովներից մեկի ձայնագրությունը, որում լսվում է, թե ինչպես է ընկերության ղեկավարներից մեկն աշխատակիցներին ցուցում տալիս աշխատել Արտակ Սարգսյանի օգտին, մտերիմներին, հարազատներին ուղղորդել, որ քվեարկեն նրա օգտին: Նշենք, որ ձայնագրությունում լսվում են նաև սպառնալիքներ:
Նշենք, որ Արտակ Սարգսյանը ԱԺ 5-րդ գումարման պատգամավոր է, ինչպես նաև ապրիլի 2-ին կայացած խորհրդարանական ընտրություններում թիվ 2 ընտրատարածքում ՀՀԿ-ից ռեյտինգային ընտրակարգով առաջադրված թեկնածու, ով հավաքել է 11 996 ձայն։ Ի դեպ, Արտակ Սարգսյանն իր պատգամավորական գործունեության ընթացքում որևէ օրենսդրական նախաձեռնությամբ հանդես չի եկել, որևէ ելույթ չի ունեցել: