Որտեղի՞ց նման տեղեկատվություն. ՀՀԿ խմբակցության ղեկավարը՝ Սերժ Սարգսյանի՝ ՀՀԿ ցուցակում չլինելու մասին

Մամուլում տեղեկություններ են շրջանառվում, որ ո'չ Կարեն Կարապետյանը, ո'չ Սերժ Սարգսյանը չեն լինելու ՀՀԿ նախընտրական ցուցակում, և որ այս պահին քննարկվում է, որ ցուցակը գլխավորի Վիգեն Սարգսյանը, երկրորդ հորիզոնականում կլինի Տարոն Մարգարյանը, երրորդում՝ Արփինե Հովհաննիսյանը:

Yerkir.am-ը փորձեց ՀՀԿ խմբակցության ղեկավար Վահրամ Բաղդասարյանից ճշտել` արդյո՞ք նման քննարկումներ կան ՀՀԿ-ում, և նա այդպիսի զարգացումները հնարավոր համարո՞ւմ է: Բաղդասարյանը նշեց, որ ինքը տեղյակ չէ, թե մամուլը նման տեղեկություններ որտեղի՞ց է վերցնում: «Մենք ոչ խորհրդի նիստ ենք արել, ոչ էլ նման քննարկում է եղել: Պարզապես դրանք մամուլի հրապարակումներն են: Չկա նման ինֆորմացիա: Ո՞վ է նման բաներ քննարկում, չեմ հասկանում, ես նման քննարկման մասնակից չեմ եղել, ինձանից գաղտնի՞ են քննարկում, ես տեղյակ չեմ»,- ասաց նա:

Բաղդասարյանը ևս մեկ անգամ շեշտեց, որ իրենք դեռ խորհրդի նիստ չեն արել, դեռ ոչինչ չեն որոշել, և որ ինքը չգիտի, թե որտեղից են հայտնվում նման տեղեկությունները: