Մոսկվայի և Մինսկի միջև չեն մնացել չլուծված հարցեր. Պուտին

Մոսկվայի և Մինսկի միջև չեն մնացել չլուծված հարցեր. նավթագազային ոլորտում վեճը կարգավորված է: Այդ մասին հայտարարել է ՌԴ նախագահ Վլադիմիր Պուտինը Բելառուսի նախագահ Ալեքսանդր Լուկաշենկոյի հետ հանդիպումից հետո. հայտնում է РИА Новости-ն: Պուտինը մանրամասնել է, որ խնդիրները կլուծվեն 10 օրվա ընթացքում:

Երկու երկրների ղեկավարները նաև պայմանավորվել են, թե ինչպես են աշխատելու այդ ոլորտում 2017-2019 թվականներին:

Ավելի վաղ Լուկաշենկոն պնդում էր, որ Մինսկն իրավունք ունի ավելի ցածր գնով գազ գնելու, քանի որ նավթի գինը նվազել է: Մոսկվան, ի պատասխան, հայտարարել էր, որ 2011-2015 թվականներին նավթի` առանց մաքսի մատակարարումների պատճառով չի ստացել 22,3 մլրդ դոլար:

Հիշեցնենք, որ երեկ Պետերբուրգում կայացել է Պուտին-Լուկաշենկո հանդիպումը: