Գերմանիայում օրական 10 փախստական բռնության է ենթարկվում

Գերմանիայում ձախակողմյան կուսակցության պատգամավոր Ուլլա Ժելփեքի՝ փախստականների վերաբերյալ հարցման արդյունքում հայտնի է դարձել, որ 2016 թվականի ընթացքում փախստականների դեմ բռնության` ընդհանուր 3533 դեպք է գրանցվել:

Ըստ Siyasihaber-ի՝ Գերմանիայում փախստականների դեմ օրական  միջին հաշվով բռնության 10 դեպք է գրանցվում: Բռնության են ենթարկվում նաև օգնության միությունների աշխատակիցներ: Նրանց դեմ բռնության 217 դեպք է գրանցվել:

Համաձայն Գերմանիայի ՆԳ նախարարության տրամադրած զեկույցի՝ նախորդ տարվա բռնության դեպքերից 2545-ի թիրախում եղել են հենց փախստականները, իսկ 988-ը՝ նրանց ապաստարաններն ու կացարանները:

Կայքը հիշեցնում է, որ 2015 թվականին փախստականների դեմ բռնության 1031 դեպք է գրանցվել, իսկ 2016 թվականին նրանց դեմ բռնության կամ հարձակումների հետևանքով վիրավորված 560 փախստականներից 43-ը երեխաներ են: