Թեհրանում մեկնարկում է կանանց շախմատի աշխարհի առաջնությունը

Փետրվարի 10-ից մարտի 5-ը Թեհրանում կկայանա շախմատի աշխարհի կանանց առաջնությունը` նոկաուտ համակարգով, որտեղ Հայաստանը կներկայացնեն Էլինա Դանիելյանը և Լիլիթ Մկրտչյանը: Առաջնությանը մասնակցելու է 64 շախմատիստ. հայտնում է ՀԱՕԿ պաշտոնական կայքը:

1/32 եզրափակիչում Դանիելյանի մրցակիցը  կլինի Ռոուդ  Պադմինին` Հնդկաստանից, իսկ Մկրտչյանը կխաղա Չինաստանը ներկայացնող Նի Շիկունի հետ:

1/32 եզրափակիչից սկսած`  կկայանան 2 պարտիայից բաղկացած խաղեր:  Ոչ-ոքիի  դեպքում հաջորդ օրը կանցկացվի թայ-բրեք: Եզրափակիչում կանցկացվի  4 պարտիա:

Փետրվարի 1-6-ը  մեր շախմատիստուհիները  հավաքականի գլխավոր մարզիչ Արթուր Չիբուխչյանի հետ հավաք են անցկացրել Արզնիում: Փետրվարի 8-ին Էլինան և Լիլիթը մեկնել են  Թեհրան, որտեղ վաղը  կկայանա վիճակահանությունը և մրցաշարի բացումը: