2,1 մլրդ դոլար՝ Եմենում սովը կանխելու համար

ՄԱԿ-ը հորդորում է որպես օգնություն 2,1 մլրդ դոլար հատկացնել Եմենի 12 մլն բնակիչներին, որտեղ սովի սպառնալիք գոյություն ունի երկրում երկու տարի անընդմեջ  շարունակվող պատերազմի պատճառով, հայտնել Է ՄԱԿ-ի մարդասիրական հարցերի համակարգման վարչությունը, հաղորդում է РИА Новости-ն:

«Պատերազմի երկու տարիները քայքայեցին Եմենը, միլիոնավոր երեխաներ, կանայք ու տղամարդիկ մեր օգնության խիստ կարիքն ունեն: Առանց միջազգային աջակցության նրանք կարող են սովի մատնվել 2017 թ․-ի ընթացքում: Ես կոչ եմ անում ֆինանսավորող կազմակերպություններին օժանդակել և ավելացնել նրանց աջակցությունը», - հաղորդագրության մեջ բերված է ՄԱԿ-ի գլխավոր քարտուղարի՝ մարդասիրական հարցերով տեղակալ Սթիվեն Օ՛Բրայենի խոսքը: