Փոխարժեքներ
23 10 2024
|
||
---|---|---|
USD | ⚊ | $ 387.21 |
EUR | ⚊ | € 419.23 |
RUB | ⚊ | ₽ 4.01 |
GBP | ⚊ | £ 502.33 |
GEL | ⚊ | ₾ 141.84 |
Բրյուսելից ոչ հեռու գտնվող Ռիկսենսարտ բնակավայրում շուրջ 600 քաղաքացիներ ցույց են անցկացրել հայ ընտանիքի արտաքսման դեմ: Այս մասին հաղորդում է բելգիական 7 sur 7 պարբերականը:
Մգրոյանների ընտանիքը Բելգիա է տեղափոխվել 2009 թվականին: 2016-ի դեկտեմբերին երկրի ՆԳՆ-ին առընթեր միգրանտների հարցերի վարչությունը կարգադրել է արտաքսել նրանց: Որոշման դեմ բողոք է ներկայացվել, բայց այն չի չեղարկում վճիռը:
Ակցիան կազմակերպել են Նոտր Դամ դե Տրուա Վալլե լիցեյի մանկավարժները: Նրանց սատարել են նաեւ աշակերտներն ու նրանց ծնողները: Ցուցարարները պահանջում են Մգրոյաններին թույլ տալ մնալ Բելգիայում:
«Մենք շատ լավ ենք ճանաչում այդ ընտանիքին: Երկու երեխաները լիցեյում են սովորում, երկու կրտսեր երեխաները՝ դպրոցում: Նրանց ծնողներն ակտիվորեն մասնակցում են համայնքի կյանքին: Ֆրանսերեն են սովորել, նրանց աշխատանք են խոստացել: Այդ մարդիկ ապրում են անորոշության մթնոլորտում»,- հայտարարել է լիցեյի տնօրեն Դոմինիկ Լեֆեբրը: