Թուրքիան քաղաքացիություն կշնորհի երկրում ներդրումներ անող օտարերկրացիներին

Թուրքիայի իշխանությունները մտադիր են փոփոխություններ կատարել քաղաքացիության մասին օրենքում, որը օտարերկրացիներին թույլ կտա ստանալ թուրքական քաղաքացիություն խոշոր ներդրման դեպքում։

Այս մասին ասվում է հրամանում, որը հրապարակվել է Թուրքիայի պաշտոնական կառավարական Resmi Gazete տեղեկատուում։

Փոփոխությունների համաձայն՝ Թուրքիայի քաղաքացիություն ստանալուն կարող են հավակնել այն օտարերկրացիները, որոնք երկրում գնել են 1 մլն դոլարից բարձր անշարժ գույք և այն պարտավոր են չվաճառել 3 տարվա ընթացքում։

Քաղաքացիություն կշնորհվի նաև այն օտարերկրացիներին, որոնք նվազագույնը 2 մլն դոլար են ներդրել հանրապետության հիմնական կապիտալի մեջ և նրանց, որոնք Թուրքիայում բացել են 3 մլն դոլարից ոչ պակաս հաշվեհամար։