Էրդողանը Գյուլին պատվո մեդալ կշնորհի

Թուրքիայի 12-րդ նախագահ ընտրված Ռեջեփ Թայիփ Էրդողանը և «Արդարություն և զարգացում» կուսակցության նորընտիր նախագահ Ահմեդ Դավութօղլուն այսօր կայանալիք` նախագահի երդման արարողությունից հետո կհանդիպեն Չանքայա պալատում:

Ըստ Haberler-ի՝ Էրդողանի երդման արարողությունը տեղի կունենա Մեջլիսում, որից հետո՝ այցելություն Անըթքաբիր՝ Աթաթուրքի դամբարան:

Էրդողանի կողքին կլինեն նաև նախկին նախագահ Աբդուլլահ Գյուլն ու նրա կինը՝ Հայրուննիսա Գյուլը: Երկու ղեկավարները ելույթ կունենան, որից հետո Էրդողանը պատվո մեդալ կշնորհի Գյուլին:

Հայտնել են, որ երդման արարողությանը մասնակցող երկրների թիվն անցել է 90-ից: Հայաստանի ԱԳ նախարար Էդվարդ Նալբանդյանը ևս ներկա կգտնվի Էրդողանի երդման արարողությանը: