«Լիվերպուլը» մեծագույն ակումբ է.Յուրգեն Կլոպ

«Լիվերպուլի» գերմանացի գլխավոր մարզիչ Յուրգեն Կլոպը վստահ է, որ իր ղեկավարած թիմն այս մրցաշրջանում կարող է իրական պայքար մղել Անգլիայի չեմպիոնի տիտղոսի համար:

«Կարեւոր չէ, թե «Լիվերպուլն» ինչ թիմ է եղել 25 տարի առաջ: Կարեւոր է մեր այսօրվա վիճակը: Մեր թիմը ներկայացնում է նոր սերունդ: Մենք գնահատում ենք անցյալի ֆուտբոլիստներին, սակայն չենք կարող օրինակ վերցնել նրանցից: Մենք պարտավոր ենք կատարել մեր աշխատանքը: Պետք է փորձենք հասնել տիտղոսի:

«Լիվերպուլը» մեծագույն ակումբ է, իսկ մեր կազմը բավականաչափ լավն է չեմպիոնի կոչման պայքարի համար»,- Յուրգեն Կլոպի խոսքը մեջբերում է Sky Sports-ը:

«Լիվերպուլը» Անգլիայի չեմպիոն չի դարձել 1990 թվականից: Ընթացիկ առաջնության 17 տուրից հետո թիմը 37 միավորով երկրորդ տեղում է՝ առաջատար «Չելսիին» զիջելով 6 միավոր: