Մխիթարյանի որակները տեսնելով` աչքերս արցունքով են լցվում. Յուրգեն Կլոպ

Դորտմունդի «Բորսուիա»-ի գլխավոր մարզիչ Յուրգեն Կլոպը հերթական անգամ հայտարարել է, թե որքան ուրախ է ակումբի  նոր ձեռքբերումով: Կլոպի խոսքերով` Հայաստանի ազգային հավաքականի ֆուտբոլիստը չի դադարում զարմացնել իր որակներով:

«Չեմ կարծում, որ մեր նորեկները ճնշվում են այն պատճառով, որ նրանց մեծ գումարներով են ձեռք բերել: Հուրախություն մեզ` Մխիթարյանն ու Օբամեյանգը չեն կարող գերմաներեն թերթեր կարդալ: Աչքերս արցունքներով են լցվում, երբ մարզումների ժամանակ տեսնում եմ Մխիթարյանի գործողությունները: Նրա տեխնիկան, արագ տեմպը, համապատասխան դինամիկան: Բացի այդ` նա շատ վտանգավոր է մրցակցի դարպասների մոտ: Եվ այս ամենը` 24 տարեկանում»,- Կլոպի խոսքն է մեջերում sports.ru-ն: