Նախագահի աշխատակազմի հարուստ ղեկավարը. Արմեն Գևորգյանի հայտարարագիրը

Նախագահ Սերժ Սարգսյանի երեկվա հրամանագրով` Արմեն Գևորգյանն ազատվեց Ազգային անվտանգության խորհրդի քարտուղարի պաշտոնից եւ նշանակվեց ՀՀ նախագահի աշխատակազմի ղեկավար: Պարզվում է, ըստ բարձրաստիճան անձանց էթիկայի հանձնաժողովի հրապարակած հայտարարագրի/2016թ.,/ Գևորգյանի դրամական միջոցները կազմում են ընդամենը 11 մլն դրամ:

Փոխարենը Գեւորգյանի հանձնած փոխառությունները կազմում են 350 000 ԱՄՆ դոլար: 2016թ. հունվարի 1-ից մինչեւ հունիս, այսինքն` վեց ամիսների ընթացքում, Գևորգյանի աշխատանքի վարձատրությունը և/կամ դրան հավասարեցված այլ վճարումները կազմել են 5 մլն 74 հազար 498 դրամ, իսկ տրված փոխառությունների (վարկերի) դիմաց ստացված տոկոսը և այլ հատուցումը՝ 5 մլն 879 հազար 610 հազար դրամ:

Արմեն Գևորգյանի կնոջ՝ Թամարա Գեւորգյանի ներկայացրած վերջին հայտարարագրում՝ ներկայացված 2013թ.-ին, նշված է, որ նրա դրամական միջոցները կազմում են 250 հազար ԱՄՆ դոլար: Նա այդ տարի տված փոխառությունների (վարկերի) դիմաց ստացված տոկոսից ստացել է 8 մլն դրամ եկամուտ: