«Երկրաշարժ» ֆիլմն առաջիկայում կցուցադրվի 9 երկրում

Սարիկ Անդրեասյանի «Երկրաշարժ» ֆիլմի` Տորոնտոյի կինոշուկայում ներկայացվելուց հետո միջազգային դիստրիբյուտոր COVERT MEDIA-ը վաճառել է 9 երկրում այն ցուցադրելու իրավունքը` Ճապոնիա, Կորեա, Վիետնամ, Թայվան, Մալայզիա, Պերու, Կոլումբիա, Էկվադոր, Բոլիվիա:

Ֆիլմի պրոդյուսեր Ռուբեն Դիշդիշյանը ֆեյսբուքյան իր էջում, հայտնելով այս լուրը, գրում է, որ սա միայն սկիզբն է:

Հիշեցնենք, որ «Երկրաշարժ» ֆիլմը Հայաստանի կողմից «Օսկար»-ի է ներկայացվել:

Ֆիլմում կերպարները մարմնավորել են Կոնստանտին Լավրոնենկոն, Մարիա Միրոնովան, Արտեմ Բիստրովը, Սաբինա Ահմեդովան, Էմիլ Կիրակոսյանը, Վիկտոր Ստեփանյանը, Սոս Ջանիբեկյանը, Հրանտ Թոխատյանը, Միքայել Պողոսյանը, Տաթև Հովակիմյանը:

Ֆիլմի ռուսական պրեմիերան տեղի կունենա այս տարվա դեկտեմբերի 1-ին: