Կառավարությունը 1-ական ավտոմեքենայով պարգևատրեց 2016-ի «Լավագույն դաստիարակ»-ին և «Լավագույն ուսուցչին»

Այսօր կառավարության նիստում կառավարության աշխատակազմի ղեկավար-նախարար Դավիթ Հարությունյանը ներկայացրեց որոշում` կառավարության աշխատակազմին հատկացնել 10 միլիոն 400 հազար դրամ ՀՀ 2016 թվականի «Լավագույն դաստիարակ» և «Լավագույն ուսուցիչ» մրցույթների հաղթողներին մեկական ավտոմեքենայով պարգևատրելու նպատակով:

 Արդեն 15-րդ տարին է, ինչ լավագույններին խրախուսելու նպատակով անցկացվում են «Տարվա լավագույն դաստիարակ» և «Տարվա լավագույն ուսուցիչ»  հանրապետական մրցույթները, որոնց հաղթողները Հայաստանի Հանրապետության կառավարության կողմից պարգևատրվում են ավտոմեքենայով:

Առաջարկվում է Հայաստանի Հանրապետության 2016 թվականի «Տարվա լավագույն դաստիարակ» և «Տարվա լավագույն ուսուցիչ» մրցույթների հաղթողներին 5 միլիոն 200 հազար դրամ արժեքով մեկական ավտոմեքենայով պարգևատրելու նպատակով Հայաստանի Հանրապետության կառավարության աշխատակազմին հատկացնել 10,400.0 հազար դրամ` Հայաստանի Հանրապետության 2016 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին: