Պուտին-Էրդողանից հետո` Պետերբուրգից Անթալիա

Թուրքական Turkish Airlines ընկերությունը վերսկսել է մշտական չվերթները Սանկտ Պետերբուրգից դեպի Անթալիա:
Հայտարարվում է, որ չվերթները կիրականացվեն շաբաթական 4 անգամ` երեքշաբթի, չորեքշաբթի, հինգշաբթի և ուրբաթ օրերին: Թռիչքների համար կօգտագործվեն հարմարավետ Boeing 737-800 ինքնաթիռներ, որոնք նախատեսված են 189 ուղևորների համար:
Պարբերական ավիահաղորդակցություն Անթալիայի և Սանկտ Պետերբուրգի միջև չի իրականացվել սկսած 2014թ. հոկտեմբերից:

Հիշեցնենք, որ այսօր ՌԴ նախագահ Պուտինը հանդիպել է իր թուրք գործընկերոջը, եւ այդ հանդիպումից հետո հայտարարել, որ Ռուսաստանը ցանկանում է վերականգնել ռուս-թուրքական հարաբերությունները: