Կառավարության որոշմամբ 4 ընտանիք դարձավ զբաղեցրած բնակարանի սեփականատեր

Այսօր կռավարության նիստի օրակարգում կառավարությանն առնթեր պետական գույքի կառավարման վարչության պետ Արման Սահակյանը ներկայացրեց որոշում, ըստ որի Արագածոտնի մարզի Աշտարակ քաղաքի «Գիտավանի ՀՀ ԳԱԱ ֆիզիկական հետազոտությունների ինստիտուտ» ՊՈԱԿ-ի հանրակացարանային մասնաշենքերից կառավարությանն առընթեր պետական գույքի կառավարման վարչության աշխատակազմ պետական կառավարչական հիմնարկին ամրացված անշարժ գույքը օրենսդրությամբ սահմանված կարգով նվիրում են այնտեղ բնակվող քաղաքացիներին:

Արման Սահակյանը նշեց, որ հանրակացարանում բնակվում են 16 ընտանիքներ, որոնցից 4-ը այս որոշմամբ դառնում են իրենց զբաղեցրած բնակարանների սեփականատերեր: Իսկ մնացած ընտանիքները նույն ձևով կդառնան զբաղեցրած բնակարանների սեփականատերեր, հենց որ ավարտվեն այդ բնակիչների փաստաթղթային հարցերը: