15 տարի անց ազատ արձակված Մանախը մտադիր է իրավապաշտպան դառնալ

Երեկ երեկոյան 15 տարվա պատժի կրումից հետո ազատ է արձակվել հոկտեմբերի 27-ի գործով կարևորագույն վկաներից մեկի՝ Սամվել Առաքելյանի սպանությունը պատվիրելու և կազմակերպելու համար դատապարտված Արթուր Այվազյանը (Մանախ մականունով): Հիշեցնենք, որ Մանախը դատապարտվել էր 15 տարվա ազատազրկման ՀՀ քրեական օրենսգրքի 316 հոդվածի 2-րդ մասով: Նա, սակայն, մինչև վերջ իրեն մեղավոր չի ճանաչել:

Yerkir.am-ի հետ զրույցում Մանախը հայտնեց, որ ազատ արձակվելուց հետո անմիջապես եկել է տուն: «Էս երկրում ամենասուրբ ու մաքուր բանը հարազատներն են, դրա համար առաջինը նրանց եմ այցելել»,- ասաց նա:

Մալախը հայտնեց, որ ազատության մեջ մտադիր է զբաղվել իրավապաշտպան գործունեությամբ: «Անիմաստ կլինի այսքան տարվա պայքարը թողնել անհետևանք և մյուսներին չօգնել»,- ասաց նա:

Նշենք, որ Արթուր Այվազյանը պատժի կրման ընթացքում պայքարում էր պայմանական վաղաժամկետ ազատ արձակման համար, ինչը նրան, փաստորեն, չհաջողվեց: