կարևոր
2839 դիտում, 2 ամիս առաջ - 2023-12-08 20:59
Քաղաքական

Ինչու՞ հայկական կողմը դեռևս չի հրապարակել ազատ արձակված գերիների անվանացանկը

Ինչու՞ հայկական կողմը դեռևս չի հրապարակել ազատ արձակված գերիների անվանացանկը

Երեկ Հայաստանի և Ադրբեջանի կառավարությունների համատեղ հայտարարությունից հետո ադրբեջանական մամուլում արագորեն տարածվեց ազատ արձակված 32 հայ գերիների անվանացանը: 

Հայաստանյան ԶԼՄ-ները տարածեցին տեղեկատվությունը, սակայն, մինչ այս պահը ՀՀ-ին որևէ պաշտոնական տվյալներ չի հրապարեկել, թե ովքեր են ազատվում գերեվարությունից:

Ըստ ադրբեջանական լրատվամիջոցների ազատ արձակված անձանցից 26-ը նոյեմբերի 9-ի եռակողմ հայտարարությանը հաջորդած շրջանում գերեվարվել էին Հադրութի Խծաբերդ գյուղի մոտակայքից: Մյուս 6-ը՝ գերեվարվել էին հետագայում, 1-ը՝ Շուշիի մատույցներում 2020 թ.-ին, 2-ը՝ 2021 թ.-ին Գեղարքունիքում, 2-ը՝ 2023 թ.-ին Շիկահողում, 1-ը՝ Ջերմուկի հատվածում:

Ակնհայտ է, որ չնայած երկու երկների միջև զինծառայողների փոխանակման քայլն ուղղված է նաև «փոխվստահության մթնոլորտի ամրապնդմանը», այդուհանդերձ հայկական կողմը վստահ չէ՝ արդյոք ադրբեջանական մամուլում հրապարակված անվանացուցակում առկա ռազմագերիներին է փոխանցելու Ադրբեջանը, թե ոչ: Հենց սա է պատճառը, որ իշխանությունները որևէ պաշտոնական հրապարակում այս մասով դեռևս չեն արել՝ հավանաբար սպասելով գերիների՝ Հայաստանի Հանրապետություն մուտքին:

Ի դեպ, ևս մեկ հատկանշական հանգամանք, հայկական կողմին վերադարձվող անձանց նախնական ցուցակներում Արցախի Հանրապետության քաղաքացիներ չկան:

Անի Նահապետյան