Էլեկտրոնային ընտրական համակարգերը գործելու են թղթային մեխանիզմին զուգահեռ

Այսօր լրագրողների հետ զրույցում ԱԺ աշխատակազմի ղեկավար Հրայր Թովմասյանը, խոսելով ընտրական նոր օրենսգրքի մասին, որոշ փակագծեր բացեց նույնականացման քարտով քվեարկության վերաբերյալ:  Երբ քաղաքացին մոտենում է ընտրական հանձնաժողովի անդամին, մուտքագրվում է նրա նույնականացման քարտը, և եթե մուտքագրվում է նույնականացման քարտ, որի տվյալներն այդ ընտրատարածքում չկան, ապա վառվում է կարմիր ազդանշան, և քաղաքացուն թույլ չեն տալիս քվեարկել: Եթե քաղաքացին փորձի երկրորդ անգամ քվեարկել նույնականացման քարտով, ապա այլ ազդանշան է գործելու, այդ դեպքում կհրավիրվի ոստիկանություն: Դրանից հետո կտպվի ընտրական կտրոն, որի վրա գրված է անձի անուն, ազգանունը, հերթական համարը: Սա տարբերակներից մեկն է` ըստ Թովմասյանի: Ի դեպ, այդ կտրոնների մասին տեղեկատվությունը պահպանվելու է:

Ըստ նրա` էլեկտրոնային քվեարկության մեխանիզմին զուգահեռ գործելու է թղթային մեխանիզմը:

Թովմասյանի խոսքով` այդ ընտրական համակարգերը պետք է անցնեն որոշակի աուդիտ, բայց ամեն դեպքում առաջնային համարվելու է ստորագրությունը: