675 միլիոն դրամ` ՏԿԱԻ նախարարության նոր համալիրի կառուցման համար

Կառավարության այսօրվա նիստում քաղաքաշինության նախարար Նարեկ Սարգսյանը ներկայացրեց որոշման նախագիծ, ըստ որի` ՏԿԱԻ նախարարության նոր համալիրի վերակառուցման աշխատանքներն իրականացնելու համար գործադիրը հավելյալ միջոցներ պետք է հատկացնի:

Հիշեցնենք, որ համալիրի կառուցման համար նախորդ տարվա բյուջեով հատկացվել էր 350 միլիոն 526 հազար դրամ: Այժմ կառավարությունը 2016 թվականի պետական բյուջեով համալիրի կառուցման համար հատկացրեց 675 միլիոն դրամ, իսկ միջոցները հատկացվել են կառավարական N 2 շենքի օտարումից գոյացած միջոցներից:

Նոր համալիրը նպատակ ունի մեկ հարկի տակ տեղակայել նախկին ՀՀ տարածքային կառավարման նախարարության, Միգրացիոն պետական ծառայության, «Հիդրոմետ» և համակարգում գործող այլ ծառայություններ: