Ընդդիմության վիճակը լավ չի. Հովիկ Աբրահամյան

Տեղեկացրել ենք, որ ՀՀ վարչապետ Հովիկ Աբրահամյանն արդեն մասնակցել է սահմանադրական փոփոխությունների հանրաքվեին:

Լրագրողների հարցին, թե արդյո՞ք հետընտրական ցնցումներ երկրում չի կանխատեսում, նա պատասխանեց, թե ինչ ընտրություն կատարի ժողովուրդը, այն էլ իրենց համար ընդունելի կլինի: Ճշտող հարցին` այսինքն` եթե չանցնի սահմանադրական բարեփոխումների փաթեթը, դա ձեզ համար խնդի՞ր չէ, վարչապետը պատասխանեց. «Ոչ»:

«Մենք մեր խնդիրը համարել ենք ավարտված, երբ հանրությանը ներկայացրել ենք փոփոխությունների փաթեթը։ Հիմա մարդիկ թող որոշեն` իրենց ինչ է հարկավոր»,- ասաց Աբրահամյանը:

Հարցին, թե, ըստ հրապարակումների, ԲՀԿ նախկին առաջնորդ Գագիկ  Ծառուկյանն այս օրերին մեկնել է Հայաստանից՝ հանրաքվեին չմասնակցելու համար,  ի՞նչ կասի այս մասին` որպես Ծառուկյանի խնամի, նա պատասխանեց, թե խնամին ի՞նչ կապ ունի, թե ով ուր է գնում, ինչ է անում:

Մեկ այլ հարցի, թե ընդդիմության վերջին հանրահավաքներն ի՞նչ հուշեցին, վարչապետը պատասխանեց. «Հանրահավաքները ցույց տվեցին, որ նրանց վիճակը լավ չի»: