Հույս ունեմ, որ ամեն ինչ լավ է լինելու. Հովիկ Աբրահամյան

Այսօր Հաղթանակի զբոսայգի էր եկել նաև նախկին վարչապետ Հովիկ Աբրահամյանը:  Լրագրողները Աբրահամյանից հետաքրքրվեցին «Ծառուկյան» դաշինքում կատարվող իրադարձություններից:

«Պարոն Ծառուկյանին դիմեք, Ծառուկյանի փոխարեն ես ո՞նց ասեմ»,- նշեց նա, ապա, դիմելով լրագրողներին, ավելացրեց. «Ես ձեզ` բոլորիդ, շնորհավորում եմ, թողեք` մենք այսօր մեր հաղթանակները տոնենք»:

Հարցին` ինչո՞վ է հիմա զբաղված, Աբրահամյանը պատասխանեց.  «Ինչով չեմ կարողացել զբաղվել` ժամանակի առումով: Թոռնիկներիս, բարեկամներիս, հարազատներիս հետ ժամանակ եմ անցկացնում»:

Խոսելով նոր ԱԺ-ի մասին` նա ասաց, որ հույս ունի` ամեն ինչ լավ է լինելու: «Ես հույս ունեմ, որ ամեն ինչ լավ է լինելու, բոլորը մանդատներն էլ կստանան, կառավարությունն էլ կձևավորվի, և մեր երկիրը կզարգանա: Իմ հույսն ու ցանկությունը դա է»,- հայտարարեց Աբրահամյանը: