Ասում էր՝ ազնիվ եմ. Էրդողանը Պուտինին երեսով է տվել

Թուրք ժողովուրդն իր ողջ կյանքում գազով չի ապրել, տանջանքների սովոր է. հայտարարել է Թուրքիայի նախագահ Ռեջեփ Թայիփ Էրդողանը, որի երկիրը ռուսական ինքնաթիռի խոցումից հետո կանգնել է ռուսական գազից զրկվելու վտանգի առաջ:

T24-ը տեղեկացնում է, որ Էրդողանը, խոսելով ՌԴ նախագահ Վլադիմիր Պուտինի հետ ` մինչ այդ ունեցած հարաբերությունների մասին, ասել է.«Իմ՝ ազնիվ պետական գործիչ լինելու մասին նա շատ հայտարարություններ է արել»:

Անդրադառնալով ռուսական գազի մատակարարման հնարավոր դադարեցմանը՝ ասել է. «Գիտեք՝ մենք մեր ողջ կյանքում գազով չենք ապրել: Քանի տարի է, որ գիտենք, թե գազն ինչ է: Մեր ազգը սովոր է տանջանքների: Եվ ՌԴ-ի կողմից գազն անջատելը չի նշանակում, թե մենք այրվեցինք, ոչնչացանք»:

Էրդողանի խոսքով՝ ինքը բազմիցս նշել է, որ Թուրքիան, բացի ՌԴ-ից, այլ երկրներից էլ է գազ ստանում: