Տավուշում քարաթափման հետեւանքով վնասվել է գազատար խողովակը

Հոկտեմբերի 28-ին, ժամը 14.50-ին ահազանգ է ստացվել, որ Տավուշի մարզի Իջևան-Խաչարձան ավտոճանապարհի 26 կմ-ին տեղի է ունեցել քարաթափում, որի հետևանքով վնասվել է գազատար խողովակը, ճանապարհը դարձել է միակողմանի երթևեկելի:

Դեպքի վայր է մեկնել ՄՓՎ ՕԽ-ն և մեկ մարտական հաշվարկ:

Պարզվել է, որ Իջևան-Խաչարձան ավտոճանապարհի 26-րդ կմ-ում տեղի է ունեցել քարաթափում (մոտ 15 քմ) ինչի հետևանքով վնասվել են գազատար խողովակի (գազատար խողովակը դատարկ է) հենասյուները, իսկ ավտոճանապարհը դարձել է միակողմանի երթևեկելի:

Հրշեջ-փրկարարները ՃՈ աշխատակիցների հետ համատեղ ավտոճանապարհի երթևեկելի հատվածից հեռացրել են ժայռաբեկորները, և ավտոճանապարհը դարձել է երկողմանի երթևեկելի: