ՀԱՊԿ առաջնորդները կքննարկեն ահաբեկչության խնդիրը

Դուշանբեում մեկնարկել  է ՀԱՊԿ Հավաքական անվտանգության խորհրդի նստաշրջանի պաշտոնական ծրագիրը. հայտնում է ТАСС-ը: 

Կազմակերպության անդամ երկրների ղեկավարները սկսել են նեղ կազմով բանակցությունները:

ՌԴ նախագահ Վլադիմիր Պուտինի օգնական Յուրի Ուշակովը լրագրողներին հայտնել է, որ նախատեսվում է քննարկել ՀԱՊԿ գործունեությունը` դրա տարբեր դրսևորումներում, հիմնական տարածաշրջանային և միջազգային խնդիրները, այդ թվում՝ ահաբեկչական և ծայրահեղական խմբավորումների ակտիվացումը, և ընդհանուր վիճակը, որը ստեղծվում է կազմակերպության անդամ երկրների սահմաններին։

Նա նաև նշել է, որ նիստը կավարտվի համատեղ փաստաթղթերի ստորագրմամբ: