ԵՄ-ն Հայաստանի հետ նոր համաձայնագրի նախագիծ է մշակում

ԵՄ-ն Հայաստանի եւ Բելառուսի հետ  նոր համաձայնագրի նախագիծ է մշակում, որով ԵՄ-ն ու այդ երկրներն ավելի քիչ թելերով կապված կլինեն, ի տարբերություն ասոցացման գործընթացի:  Այդ մասին հայտարարել է ԵՄ-ում նախագահող Լյուքսեմբուրգի արտգործնախարար Ժան Ասսելբորնը: Այս մասին տեղեկացնում է «Ռիա Նովոստի«-ն: «Մենք փնտրում ենք համակարգ, որով բոլոր կամուրջներն այրված չեն լինի: Մենք հասկանում ենք, որ ասոցացման համաձայնագիրն այլեւս  հնարավոր չէ,  եւ բոլորը պատրաստ են գտնել ավելի հեշտ տարբերակ եւ ավելի կայուն ու հիմնարար: Դա չի լինելու ասոցացման համաձայնագիր: Դա կլինի ինչ-որ մի աստիճան ցածր բան, բայց չեմ կարող ասել, թե ինչպես կկոչվի»,- ասել է Ասսելբորնը  լրագրողներին ԵՄ արտգործնախարարների  ոչ պաշտոնական հանդիպումից հետո, որտեղ քննարկվել են Արեւելյան գործընկերությանա երկրների հետ հարաբերությունները:

Նա նաեւ ընդգծել է, որ այդ համաձայնագրում մաքսային արտոնություններ չեն լինի:

Լյուքսեմբուրգի վարչապետը  ասել է, որ իրենք առաջարկ են արել Հայաստանին եւ ստացել դրական պատասխան: