Պետք է անպայման պատժիչ գործողություններ իրականացնենք. պատգամավոր

ԱԺ պաշտպանության, ազգային անվտանգության և ներքին գործերի մշտական հանձնաժողովի անդամ Էդմոն Մարուքյանը Yerkir.am-ի հետ զրույցում, անդրադառնալով վերջին շրջանում սահմանային լարվածությանը, նշեց, որ հայկական կողմը պետք է անպայման համարժեք պատժիչ գործողություններ իրականացնի, որպեսզի ադրբեջանցիների արկածախնդրությանը վերջ տրվի:

«Ադրբեջանցիներն անընդհատ փորձ են անում Հայաստանը պահել վտանգի տակ: Գնալով ավելի լկտիանում է ադրբեջանցիների մոտեցումը, և մենք պետք է անպայման պատժիչ գործողություններ իրականացնենք, ինչը և այս օրերին արվում է»,- ասաց Մարուքյանը:

Պատգամավորը հավելեց, որ Ադրբեջանն աչքի է ընկնում մարդու իրավունքների ոտնահարմամբ, նաև` հակաժողովրդական ռեժիմով: «Հետևաբար, ադրբեջանցիներին ներքին խնդիրներից շեղելու համար են սահմանին վիճակը լարում: Հայտնի է, որ միջազգային շուկայում նավթի գինը նվազում է, հետևաբար` եկամուտն էլ է նվազում, և այդ իրավիճակում այլ բան չի մնում, քան երկրի ներքին խնդիրներից դուրս բերել մարդկանց ուշադրությունը և սևեռել արտաքին պատերազմի վրա, թշնամու հետ կապված մոտեցումներ ձևավորել, որպեսզի ներքին խնդիրներից մարդիկ չխոսեն»,- նշեց Մարուքյանը: