Ստեփանակերտ-Բերձոր ճանապարհին բեռնատար է շրջվել

Հուլիսի 17-ին, ժամը 13.22-ին տեղեկություն է ստացվել, որ Ստեփանակերտ – Բերձոր ավտոճանապարհին տեղի է ունեցել ավտովթար, կա տուժած. անհրաժեշտ է փրկարարների օգնությունը:

Դեպքի վայր է մեկնել ԼՂՀ-ի արագ արձագանքման խումբը:

Պարզվել է, որ Շուշի – Լիսագոր ավտոճանապարհի 12-րդ կմ-ում «Միթսուբիշի» մակնիշի 29 6M O67 համարանիշի (վարորդ` Մ. Ս., ծնվ.1986թ., Երեւանի Կիլիկյան թաղամասի թիվ 5 փողոցի բնակարաններից մեկի բնակիչ) բեռնատար ավտոմեքենան դուրս է եկել ավտոճանապարհի երթեւեկելի հատվածից եւ կողաշրջվել:

Մ.Ս.ը տարբեր աստիճանի վնասվածքներով շտապօգնության մեքենայով տեղափոխվել է Շուշիի բժշկական կենտրոն, այնուհետեւ հոսպիտալացվել է Ստեպանակերտ քաղաքի ԲԿ: Տուժածի վիճակը գնահատվել է բավարար:

Փրկարարները ուղղել են ավտոմեքենան եւ դուրս բերել երթեւեկելի հատված: