Գուցե պետք է երկխոսել նախագահի հետ. Լալա Մնացականյան

«Ամբողջ ժողովրդին սթրեսի մեջ են պահում, ինչ է թե ՌԴում մի քանի հոգու չվիրավորեն»,- Yerkir.am-ին  ասաց դերասանուհի Լալա Մնացականյանը:

Նա նշեց, որ մի քանի ժամ է՝ ակցիայի մասնակիցների հետէ, որոնք իրեն  հիշեցնում են իր երիտասարդությունը 88 թվականին:

Հարցին, թե ինչպես կմեկնաբանի այն, որ վարչապետն այսօր հայտարարեց, որ էլեկտրաէներգիայի սակագինը նույնն է մնալու Մնացականյանը պատասխանեց, որ դա նշանակում է, որ սակագինը իրոք չի փոխվելու. «Նշանակում է, որ իրենք մեզ չեն լսում»,- ասաց Մնացականյանը՝ ընդգծելով. «Բայց ամեն դեպքում, կարծում եմ, պետք է շարունակել բողոքի ակցիան եւ գնալ մինչեւ վերջ: Ես՝ որպես քաղաքացի եւ մարդ, վիրավորվում եմ, որովհետեւ առնվազն ինձ հիմար վիճակում եմ զգում: Ծաղր է, ասում են այն, ինչ ուզում են: Եւ մի ամբողջ երկիկր՝ 3 միլիոնանանոց /եթե մնացել ենք այդքան/, լարված վիճակում պահում: Նա նշեց նաեւ,  որ պետք է էմոցիոնալ դաշտից դուրս գալ եւ իրավական դաշտ մտնել»: Ըստ նրա՝ միգուցե անհրաժեշտ է բանակցությունների գնալ կամ երկխոսության մեջ մտնել նախագահի հետ: «Եթե մեր երիտասարդությունն արժանապատվորեն կանգնեց մինչեւ վերջ, միգուցե ինչ-որ բան փոխվի: Չնայած վերեւները կարծես թե փորձում են խփել ամենացավոտ տեղին՝ կոտրելով երիտասարդների  արժանապատվությունը»,- ասաց դերասանուհին: