Գալուստ Սահակյանը ՀՀԿ-ականներին հորդորեց «հուշիկ քայլերով» հեռանալ

Այսօր` ԱԺ արտահերթ նիստի ժամանակ, ԱԺ պատգամավոր Նիկոլ Փաշինյանը վարման կարգով ելույթում անդրադարձավ երկու օր առաջ տեղի ունեցած` էլեկտրաէներգիայի սակագնի վերաբերյալ խորհրդարանական լսումներին: «Լսումների արդյունքում փաստացի ապացուցվեց, որ ՀՀ օրենսդրության տրամաբանությամբ` էլեկտրաէներգիայի սակագնի բարձրացման կարիք չկա»,- ասաց նա:

ԱԺ նախագահ Գալուստ Սահակյանը, սակայն, ընդհատեց նրա ելույթը` ասելով, որ այդ թեման օրակարգից դուրս է:

«Գուցե Ձեր օրակարգում հարցը չկա, բայց Հայաստանի քաղաքացու օրակարգում այս հարցն առաջին տեղում է, ուստի թույլ տվեք ավարտել ասելիքս»,- պնդեց Փաշինյանը:

Գալուստ Սահակյանը անջատել տվեց պատգամավորի խոսափողը:

Մինչ Փաշինյանը փորձում էր ժողովրդին հուզով հարցը ևս մեկ անգամ քննարկման առարկա դարձնել, ՀՀԿ-ական պատգամավորները սկսեցին դուրս գալ նիստերի դահլիճից:

«Եթե տերյանական ոճով ասելու լինեմ, ապա` ովքեր թողնում են դահլիճը, թող հուշիկ քայերով հեռանան»,- ՀՀԿ-ականների կոչ արեց Գալուստ Սահակյանը: