Էրդողանի կուսակցության հետ կոալիցիա ձևավորելու պայմանները

Թուրքիայում «Արդարություն և զարգացում» կուսակցությունը հայտնել է կոալիցիա կազմելու իր պայմանները. տեղեկացնում է Haberler-ը:

Հայտնի է դարձել, որ կոալիցիա կազմելու վերաբերյալ մյուս կուսակցությունների հետ քննարկումների ժամանակ ԱԶԿ-ն նրանցից պահանջելու է մեսիջ` չորս տարի իշխող կուսակցություն լինելու համար:

Բացի այդ, ԱԶԿ-ն բացառելու է նաև տվյալ կուսակցության` վարչապետի պաշտոնը կամ յուրաքանչյուր կուսակցությունից հավասար նախարար ունենալու պահանջը`նրան հիշեցնելով «19 միլիոն ձայն հավաքելով ձեռք բերած իր առաջնության» մասին:

ԱԶԿ-ի անփոփոխ պայմաններից է նաև, որ կոալիցիա կազմելու հարցում ոչ մի խոսք չի կարող լինել Արդարադատության, Ներքին գործերի, Կրթության և գիտության կամ նման այլ նախարարություններում պաշտոն զիջելու մասին:

Նշվում է, որ Գերագույն ընտրական խորհուրդի` վերջնական արդյունքները հայտնելուց հետո նախագահ Էրդողանը վարչապետ է նշանակելու Դավութօղլուին, ով կառավարությունը ձևավորելուց հետո այցելելու է խորհրդարան անցած կուսակցություններին:

Դավութօղլուի` կուսակցությունների հետ առաջին հանդիպումներից հետո որոշվելու է կոալիցիա կազմելու ամենահարմար կուսակցությունը, որից հետո երկրորդ հանդիպման ժամանակ Դավութօղլուն առաջին քննարկումններն անցկացնելու է հենց այդ կուսակցության հետ:

Կայքը նշում է, որ հայամետ Ժողովուրդների դեմոկրատական կուսակցության հետ երկրորդ հանդիպում չի նախատեսվում, քանի որ վերջինս ընտրություններից անմիջապես հետո «փակել էր դռները» ԱԶԿ-ի հետ կոալիցիա ձևավորելու համար: