Ապրիլի 24-ին հյուրերին բաժանելու են հայ դպրոցականների պատրաստած` 1,5 միլիոն անմոռուկները (ԼՈՒՍԱՆԿԱՐՆԵՐ)

ՀՀ նախարարությւոններն ու գերատեսչությունները այս օրերին պատրաստվում են ապրիլի 24-ի լայնամասշտաբ միջոցառումներին: Նկատի ունենալով, որ ապրիլի 23-ը և 24-ը ոչ աշխատանքային են, ԿԳՆ-ն հատուկ օրակարգ չունի այդ օրերի համար, փոխարենը ԿԳ նախարարությունը ամբողջ տարվա ընթացքում է ներկայացրել միջոցառումներ` նվիրված Հայոց ցեղասպանության 100-ամյա տարելիցին:

Yerkir.am-ի տեղեկություններով, վերջերս հայ դպրոցականների ձեռքերով պատրաստված` 1,5 միլիոն  անմոռուկները փոխանցվելու են Հայոց ցեղասպանության 100- ամյա տարելիցի միջոցառումները  համակարգող պետական հանձնաժողովին, որն էլ այդ անմոռուկները ապրիլի 24-ին բաժանելու է Հայաստան եկած հյուրերին: Անմոռուկները պատրաստվել են ստվարաթղթից, դրանց ետևում գրված է պատրաստող դպրոցականի տարիքն ու անունը:

Ապրիլի 17-ին Հայոց ցեղասպանության 100-ամյա տարելիցի  հռչակագրին նվիրված բաց դաս է անցկացվելու դպրոցներում: Այս օրերին հանրակրթական դպրոցներում անցկացվում են բազմաթիվ միջոցառումներ:

Հանրապետության դպրոցներից մեկում անմոռուկների պատրաստման ընթացքի լուսանկարներ: