Ծանրամարտ. Տիգրան Մարտիրոսյանը` Եվրոպայի չեմպիոն, Անդրանիկ Կարապետյանը ` բրոնզե մեդալակիր

Վրաստանի մայրաքաղաք Թբիլիսիում շարունակվում է ծանրամարտի Եվրոպայի առաջնությունը:

Այսօր մրցահարթակ դուրս եկան 77 կգ քաշային ծանրորդները, որտեղ Հայաստանը ներկայացնում էին Եվրոպայի կրկնակի չեմպիոն, 2010 թվականի աշխարհի չեմպիոն և օլիմպիական խաղերի բրոնզե մեդալակիր գյումրեցի Տիգրան Մարտիրոսյանը և աշխարհի երիտասարդական առաջնության բրոնզե մեդալակիր, պատանիների` Եվրոպայի և աշխարհի չեմպիոն` 19-ամյա Անդրանիկ Կարապետյանը:

Տիգրան Մարտիրոսյանն այսօր 3-րդ անգամ հռչակվեց Եվրոպայի չեմպիոն:  Եվրոպայի արդեն եռակի չեմպիոնը երկամարտում ցույց տվեց 351 կգ արդյունք(160+191): 

Մեր մարզիկը պոկում վարժությունում արձանագրեց 160 կգ արդյունք,      նույնպիսի արդյունք գրանցեց նաև Ռուսաստանը ներկայացնող Վիկտոր Գեթսը, սակայն վերջինս անձնական քաշով ծանր է հայ մարզիկից, ինչի պատճառով գրավեց 3-րդ հորիզոնականը:   

Անդրանիկ Կարապետյանը պոկում վարժությունում բարձրացրեց 164 կգ և  գրավեց փոքր ոսկե մեդալը: Հրում վարժությունում  Անդրանիկը ցույց տվեց 184 կգ  արդյունք և երկամարտի 348 կգ արդյունքով գրավեց 3-րդ հորիզոնականը: