Սան Պաուլոյի խորհրդարանն ապրիլի 24-ը հայտարարել է Հայոց ցեղասպանության ճանաչման և զոհերի հիշատակի օր

Ապրիլի 8-ին Բրազիլիայի ամենախոշոր նահանգ Սան Պաուլոյի խորհրդարանն ընդունել է համար 1266/2014 բանաձևը, որով ապրիլի 24-ը հռչակվել է «Հայ ժողովրդի ցեղասպանության ճանաչման և զոհերի հիշատակի օր»: Այս մասին տեղեկացնում է ՀՀ ԱԳ նախարարության հասարակայնության հետ կապերի բաժինը։

Նախագիծը հեղինակել է նահանգային պատգամավոր Պեդրո Տոբիասը:

Սան Պաուլո նահանգը ամենախոշորն է Բրազիլիայի Դաշնային Հանրապետությունում, որի բնակիչների թիվը կազմում է 44 միլիոն մարդ, ինչը Բրազիլիայի ազգաբնակչության 20%-ն է: Նահանգի կազմում գործում են 645 մունիցիպալ կազմավորումներ: Սան Պաուլո նահանգը հանդիսանում է ամենախոշոր ադմինիստրատիվ միավորումը ամբողջ Հարավային Ամերիկայում: