Գազի հարցով ժամանակավոր հանձնաժողովի եզրակացությունը դեռ չկա

Այսօր ԱԺ քառօրյայի նիստում ԱԺ պատգամավոր Նիկոլ Փաշինյանը հարց ուղղեց ԱԺ նախագահ Գալուստ Սահակյանին գազի հարցերով ժամանակավոր հանձնաժողովի եզրակացության վերաբերյալ:

«Գազի հարցերով ժամանակավոր հանձնաժողովը, որը ձևավորվել է մեկ տարի առաջ, պետք է հրապարակեր իր եզրակացությունը դեռ նախորդ տարվա դեկտեմբերին: Հիմա ֆորմալ առումով այդ հանձնաժողովի հաշվետվությունը ընդգրկված է օրակարգում, բայց եզրակացությունը տեղադրված չէ ԱԺ կայքում: Ստացվում է, որ այդ եզրակացությունը չկա, իսկ դա խախտում է համարվում: Կարո՞ղ եք տեղեկություն հաղորդել, թե ինչո՞ւ չկա եզրակացությունը»,- հարցրեց պատգամավորը:

ԱԺ նախագահ Գալուստ Սահակյանը պատասխանեց. «Եզրակացությունը պատրաստ է և առաջիկայում կբաժանվի պատգամավորներին»: