Իվետա Տոնոյանը ևս դուրս է եկել ԲՀԿ-ից

Գագիկ Ծառուկյանի մամուլի խոսնակ Իվետա Տոնոյանը Yerkir.am-ի հետ զրույցում հայտնեց, որ դադարեցրել է իր անդամակցությունը ԲՀԿ-ին: «Դադարեցրել եմ անդամակցությունս ԲՀԿ-ին և դադարել եմ լինել ԲՀԿ քաղխորհրդի անդամ, սակայն շարունակում եմ լինել Գագիկ Ծառուկյանի` որպես Օլիմպիական կոմիտեի նախագահի, մամուլի խոսնակը»,- ասաց նա:

Տոնոյանը նշեց նաև, որ շարունակելու է համագործակցել լրատվամիջոցների հետ, սակայն միայն վերոնշյալ համատեքստում: Ըստ նրա՝ ինքը շարունակում է իրականացնել իր աշխատանքային մյուս գործառույթը, այն է՝ «Կենտրոն» հեռուսատաընկերության «Էպիկենտրոն» լրատվականի տնօրենի պաշտոնը: «Այդ մասով որևէ փոփոխություն չկա»,- ասաց Տոնոյանը: