Լեւոն Զուրաբյանը մի պահ մոռացավ, թե ինչ չի հասկացել Սերժ Սարգսյանը

Ազատության հրապարակում ընթանում է ՀԱԿ-ի հրավիրած` մարտի 1-ի ամենամյա հանրահավաքը:

Ելույթով հանդես եկած ԱԺ ՀԱԿ խմբակցության ղեկավար Լեւոն Զուրաբյանը, անդրադառնալով փետրվարի 20-ի չեղյալ հայտարարված հանրահավաքին, հայտարարեց, որ եթե հանրահավաքը կայանար՝ «մարդկային ծովի դեմ»  չէին աշխատի իրավապահ մարմինները, եւ Սերժ Սարգսյանը «գլխատեց»  ԲՀԿ-ի կազմակերպական ռեսուրսը՝ տապալելով ընդդիմության ծրագրերը:

Զուրաբյանը հայտարարեց, թե Սերժ Սարգսյանը չի հասկացել կարեւոր մի բան, եւ հենց այդ նախադասությունից հետո, /հավանաբար տեքստում չգտնելով հաջորդ տողը/, նախ ներողություն խնդրեց, ապա մի քանի րոպե լռեց եւ միայն փոքր ուշ ասաց. «Չի հասկացել այն, որ եթե ինչ-որ քաղաքական ուժերի շարքից դուրս է հանել, միեւնույն է՝ դա չի փոխում ընդհանուր իրավիճակը»: Ըստ Զուրաբյանի` հարցն այսպես է դրված՝ «ով ում հախից կգա»: