Դիրքում կանգնած տղերքն իրենց գործն արել են

Տեղեկացրել էինք, որ երեկ հակառակորդը դարձյալ դիվերսիոն փորձ է կատարել Տավուշի մարզի Բաղանիս և Ոսկեպար գյուղերի ուղղությամբ:

Ոսկեպարի գյուղապետ Երվանդ Եգանյանը yerkir.am-ի հետ զրույցում նշեց, որ գյուղում առանձնապես ոչինչ չեն զգացել:

«Մի հինգ կրակոց ավելի, մի հինգ կրակոց պակաս` նույնն է, էլի: Կարևորը` վնասներ չունենք` ո'չ մարդկային, ո'չ էլ նյութական: Իրավիճակը խաղաղ է հիմա, մարդիկ գործի, դասի են: Դիվերսիա-բան չենք զգացել, գյուղում ամեն ինչ նորմալ է: Դիրքում կանգնած տղերքն իրենց գործն արել են, էլի, որ գյուղում ոչինչ չենք նկատել»,- ասաց Եգանյանը:

Բաղանիսի գյուղապետ Նարեկ Սահակյանն էլ նշեց, որ գիշերը հակառակորդի կողմից կրակոցներ եղել են, բայց գյուղը որևէ վնաս չի կրել: