Փոքրիկ Սերյոժային սկսել են կերակրել զոնդով. մանրամասներ

Այսօր ՀՀ կառավարության նիստի ավարտին ՀՀ վարչապետ Հովիկ Աբրահամյանը ՀՀ առողջապահության նախարարից հետաքրքրվեց, թե այս պահին ինչպե՞ս է գնահատվում Գյումրիից Երևան տեղափոխված վեց ամսական Սերյոժա Ավետիսյանի առողջական վիճակը:

«Երեխան տուժել է բազմագործոն շոկային վիճակից: Ներկայումս նա գտնվում է «Սուրբ Աստվածամայր» բժշկական կենտրոնում, և վիճակը գնահատվում է կայուն ծանր: Հաջողվել է բազմագործոն օրգանային անբավարարությունից հանել: Այս պահին դրական միտում կա, և երեխային սկսել են կերակրել զոնդով»,- ասաց նախարարը:

Նա նշեց, որ երեխան ապահովված է բոլոր անհրաժեշտ պարագաներով, սարքավորումներով ու դեղորայքով: Նախարարի խոսքով` առավոտյան տվյալներով ևս` լաբորատոր տվյալների աննշան փոփոխություններ կան, բայց մոտակա երկու-երեք օրը դեռևս միացված կմնա արհեստական շնչառության սարքը: