Գյումրին սպասում է փոքրիկ Սերյոժային...

Այս պահին Գյումրու Սուրբ Նշան եկեղեցու ամբողջ տարածքը, ուր երեկոյան վերջին հրաժեշտն են տալու փոքրիկ Սերյոժային, մարդաշատ է, և հարակից բոլոր փողոցները ոստիկանության կողմից փակ են մեքենաների երթևեկության համար. հայտնում է  shirakcentre-ը:

Գյումրու քաղաքապետարանի կողմից առավոտյան նախատեսված տրանսպորտային միջոցներ են ուղարկվել Երևան՝ փոքրիկին հարազատ քաղաք բերելու համար: Թեև, նախնական հաշվարկներով, մեքենաները կվերադառնան մոտավորապես ժամը 16:00-ի սահմաններում, սակայն արդեն իսկ հազարավոր գյումրեցիներ, լրագրողներ և հյուրեր սպասում են եկեղեցու մերձակա տարածքում:

«Մեր ունեցած տեղեկությունների համաձայն, ինչպես Ավետիսյանների ընտանիքի, այնպես էլ փոքրիկի հուղարկավորության ամբողջ կազմակերպչական աշխատանքներն իրականացվում է Գյումրու քաղաքապետարանի կողմից: Ի դեպ, վաղը՝ հունվարի 21-ին փոքրիկ Սերյոժայի հուղարկավորության օրը լրանում է ռուս զինվորի կողմից սպանդի ենթարկված նրա ընտանիքի՝ Ավետիսյանների հուղարկավորության 7-րդ օրը»,- կարդում ենք կայքում: