Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Հայ Յեղափոխական Դաշնակցության Բյուրոն կոչով է հանդես եկել, որը ներկայացնում ենք ստորեւ:
Սիրելի' հայրենակիցներ
2014թ նոյեմբերի 27-ին «Հայաստան» Համահայկական Հիմնադրամն իր տարեկան ավանդական դրամահավաքի հեռուստամարաթոնով շարունակելու է անցյալ տարի սկզբնավորված Վարդենիս-Մարտակերտ ճանապարհի կառուցմանն ուղղված նվիրատվությունների ծրագիրը:
Հատկապես վերջին ամիսների Ադրբեջանի անթաքույց թշնամական գործողությունները, պատերազմի նախապատրաստական ջանքերը եւս մեկ անգամ փաստում են հիմնադրամի` Արցախի անվտանգությանն ու զարգացմանը միտված ջանքերի կարեւորությունն ու այժմեականությունը:
Այլընտրանքային եւ ռազմավարական մեծ նշանակություն ունեցող այս ճանապարհի կառուցումը հավելյալ երաշխիք է ազատագրված հայրենիքի սահմանների անվտանգության համար: Այն կոչված է եւս մեկ անգամ փաստելու մեր հակառակորդներին եւ բարեկամներին հայ ժողովրդի անսասան վճռականությունն ու միասնական կամքը` արդարացի հանգուցալուծման բերելու Արցախյան ազատամարտը:
Մեր զավակների առ այսօր թափվող արյամբ ազատագրված Լեռնային Ղարաբաղի Հանրապետությունը ուժեղանալու, զարգանալու է նմանատիպ ծրագրերի իրականացմամբ:
Առ այդ, ՀՅԴ Բյուրոն կոչ է ուղղում համայն հայությանը` առատաձեռն կերպով մասնակցելու համահայկական այս դրամահավաքին եւ օժանդակելու հեռուստամարաթոնի կազմակերպման աշխատանքներին:
Համախումբ ուժով եւ ճիգով միայն կարելի է Արցախյան պայքարը հասցնել իր հաղթական ավարտին։