Կարեն Ավագյանի կազմակերպած համերգից հետո ՄՀՀ-ում հրդեհ է բռնկվել

Նոյեմբերի 17-ին` ժամը 21.25-ին, ահազանգ է ստացվել, որ Երևանի Ծիծեռնակաբերդի խճուղում գտնվող Կ. Դեմիրճյանի անվան Մարզահամերգային համալիրի դիմահարդարման սրահից ծուխ է դուրս գալիս: Դեպքի վայր են մեկնել չորս մարտական հաշվարկ, մեկ ավտոսանդուղք, ՀՆՓԱԻԿ փրկարար ջոկատը, գազածխապաշտպան ծառայության ավտոմեքենան, ՃԿԿ ԱԻ արձագանքման և օպերատիվ խմբերը:

Դեպքի վայրում է գտնվում ՀՀ ԱԻ նախարար Արմեն Երիցյանը: Կտրվի լրացուցիչ տեղեկություն:

Նշենք, որ այսօր Ուսանողների միջազգային օրվա կապակցությամբ համալիրում ՀՀԿ երիտթեւի ղեկավար Կարեն Ավագյանը մեծ համերգ էր կազմակերպել, որին ներկա էր նաեւ վարչապետ Հովիկ Աբրահամյանը: Նա քաղաքապետ Տարոն Մարգարյանի հետ ՄՀՀ շենքը լքել էր 20:00-ի սահմաններում: