Վարչապետ փոխելով` ոչինչ չի փոխվելու. Արմեն Մարտիրոսյան

Աբովյանում մեկնարկած հանրահավաքում ելույթով հանդես եկած «Ժառանգության» փոխնախագահ Արմեն Մարտիրոսյանը ասաց, որ իշխանությունները թքած ունեն ժողովրդի վրա: «Մենք այլ ճանապարհ չունենք, քան իշխանափոխությունը»,- հայտարարեց Արմեն Մարտիրոսյանը:

Նա նաև դիմեց ուժային կառույցներին, մասնավորապես` ոստիկանությանը. «Այն շարժումը, որ սկսվելու է, նաև ձերն է և ձեր երեխաների համար է լինելու»:

Արմեն Մարտիրոսյանը նշեց նաև, որ, վարչապետ փոխելով, ոչինչ չի փոխվելու: «Ենթադրենք Հովիկ Աբրահամյանին հանեցին, ո՞ւմ պետք է բերեն, Գալուստ Սահակյանի՞ն: Ուրեմն պետք է իշխանափոխություն, որպեսզի իրականացվեն իրական բարեփոխումներ»: Նա նաև ասաց, որ ներկայումս շանս է տրված ընդդիմությանը`՝գործել միասնաբար և արդյունք գրանցել: