Օբամային ուղեկցող ավտոշարասյան պատճառով ծննդաբերող կինը մոտ կես ժամ չի կարողացել մտնել հիվանդանոց

ԱՄՆ նախագահ Բարաք Օբամային ուղեկցող ավտոշարասյունը խանգարել է հղի կնոջը հասնել Լոս Անջելեսի հիվանդանոց. նա ստիպված է եղել մոտ կես ժամ սպասել՝ մինչեւ հնարավորություն լինի անցնելու փողոցը եւ մտնելու հիվանդանոց. հայտնում է РИА Новости-ն:

Միջադեպը վրդովմունքի ալիք է բարձրացրել սոցցանցերում: «Այս կինը ծննդաբերում է, սակայն չի կարողանում հասնել Cedars (հիվանդանոց. խմբ.) Օբամայի պատճառով»,- Twitter-ի իր միկրոբլոգում գրել է ականատեսներից մեկն ու տեղադրել լուսանկարը:

Ոստիկանությունը հաստատել է, որ նման միջադեպ է տեղի ունեցել, նաեւ նշել է, որ ոստիկանները չեն իմացել, որ կինը ծննդաբերում է, քանի որ նա միայն ասել է, թե իրեն հարկավոր է հիվանդանոց գնալ: Ավելի ուշ հայտնի է դարձել, որ կինը բարեհաջող ծննդաբերել է: