Նյու Յորքի ոստիկանությունը կանգնեցրել է Մակրոնին և Էրդողանին` Թրամփի ավտոշարասյան պատճառով

Նյու Յորքում ոստիկանությունը ժամանակավորապես դադարեցրել է Թուրքիայի նախագահ Ռեջեփ Թայիփ Էրդողանի պատվիրակության տեղաշարժը։ Պատճառը, ենթադրաբար, ԱՄՆ նախագահ Դոնալդ Թրամփին տեղափոխող VIP ավտոշարասյան ճանապարհի փակումն էր, հաղորդում է Halk TV-ն։

Հեռուստաալիքը նաև նշում է, որ Էրդողանի ավտոշարասյունը հայտնվել է քաղաքային խցանման մեջ, ինչը լրացուցիչ անհարմարություններ է ստեղծել թուրք առաջնորդի համար։

Նմանատիպ իրավիճակ է ստեղծվել նաև Ֆրանսիայի նախագահ Էմանուել Մակրոնի հետ։ Ոստիկանության կողմից կանգնեցվելուց հետո նա զանգահարել է Թրամփին. «Պատկերացնո՞ւմ ես, ես հիմա քեզ փողոցում եմ սպասում, որովհետև քեզ համար ամեն ինչ փակ է»։ Մի քանի րոպե անց փողոցը մաքրվել է հետիոտների համար, և Մակրոնը շարունակել է հեռախոսազրույցը՝ քայլելով դեպի Ֆրանսիայի դեսպանատուն։

Բոլոր առաջնորդները հավաքվել են Նյու Յորքում՝ մասնակցելու սեպտեմբերի 22-ին բացված ՄԱԿ-ի Գլխավոր ասամբլեայի 80-րդ նստաշրջանին։