Եթե իմ ֆիլմով մեկին էլ մտափոխած լինեմ՝ ֆիլմը հաջողված կհամարեմ. Արշակ Զաքարյան

Կինոռեժիսոր Արշակ Զաքարյանի “Անպետքը” կարճամետրաժ ֆիլմն ընդգրկվել է “Հայկական համայնապատկեր” անվանակարգի “Կարճամետրաժ ֆիլմեր” ծրագրում:

Լրագրողների հետ հանդիպման ժամանակ Զաքարյանը նշեց, որ առաջին անգամ էր Հայաստանում, որ ֆիլմի ֆինանսավորումն ամբողջությամբ հոգացել է հանդիսատեսըՙ իմանալով գաղափար մասին. ֆիլմը կոչված է պայքարելու ինքնասպանությունների դեմ:

“Հիմնականում ոչ ապահով խավի ներկայացուցիչներն էին մասնակցում այս դրամահավաքին, մարդիկ իրենց հացից էին կտրում, որ մասնակցեին ֆիլմի ստեղծմանը: Հազարավոր արձագանքներ եմ ստացել ֆիլմի հետ կապված: Մեկը մեզ տրամադրեց 400 դոլար, հետո իմացա, որ այդ մարդու որդին ինքնասպան է եղել, նա տվեց գումարըՙ ասելով, որ չի ուզումՙ մյուսների զավակներն էլ նման քայլերի դիմեն”,-ասաց Զաքարյանը:

Նա նշեց նաև, որ եթե ֆիլմը գոնե մեկ մարդու կարողանա մտափոխել, որ ֆիլմն արդեն հաջողված կհամարի: Նրա կարծիքովՙ բոլոր ցավալի թեմանeրին էլ պետք է անդրադառնալ հենց ֆիլմերի միջոցով, քանի որ դարը փոխվել է և մարդիկ չեն կարդում, անգամ լավ ֆիլմերն են դժվարությամբ նայում, դրա համար էլ ռեժիսորը փորձել է կարճամետրաժ ֆիլմերի միջոցով ասելիքը տեղ հասցնել:

“Կարևոր է, որ հանդիսատեսներից յուրաքանչյուրը ֆիլմը նայելուց հետ ուզում է իր ավարտն առաջարկել, ինչը, իմ կարծիքով, շատ կարևոր է, այսինքնՙ ֆիլմը մտածելու տեղիք է տալիս: Աստված է կյանք տալիս մարդուն և դու իրավունք չունես Աստծո “գործերին” միջամտել”,-ասաց Զաքարյանը:

Զաքարյանը նշեց նաև, որ ֆիլմը ՌԴ-ում, Թիֆլիսում շատ լավ արձագանքի է արժանացել, իսկ լեհերի կարծիքովՙ ֆիլմը տխուր ավարտ ունի: